മകള്‍ക്ക്, മകനും

Saturday, January 01, 2011

പാഠം ഒന്ന്: വയോജന വിദ്യാഭ്യാസം

ഞാനിപ്പോള്‍ വീണ്ടും എലിമെന്ററി സ്കൂളില്‍ ചേ‌ര്‍ന്ന് പഠിച്ച് കൊണ്ടിരിക്കുകയാണ്‌.

ചെറുപ്പത്തില്‍ പഠിക്കാന്‍ പോയപ്പോ പഠിച്ചിട്ടും മറന്നു പോയതും, പഠിക്കാന്‍ വിട്ടു പോയതുമൊക്കെ ഇപ്പോള്‍ വീണ്ടും ഒരു കിന്റര് ഗാ‌ര്‍ടന്‍ കാരിയെ പോലെ..

" Mommy, guess what ? The dining room in the White House can seat 140 people !! ".

"There are rooms named green room, purple room, and red room in the white house. Isn't that funny, mommy ? "

റ്റീച്ചറും ഒരു കിന്റര്‍ ഗാ‌ര്‍ടന്‍ കാരി തന്നെ. കഴിഞ്ഞ യാഴ്ച ത്തെ പഠനം മുഴുവന്‍ അമേരിക്കന്‍ പ്രസിഡന്റുമാരെ പറ്റിയും വൈറ്റ് ഹൗസിനെ പറ്റിയും ആയിരുന്നു.


"Mommy, they build the white house first in 1800. Then it got burned down and they rebuild it . Do you know how it was burned mommy? Miss Lauren didnt say how it was burned :( " ?

വൈറ്റ് ഹൗസ് കത്തി പോയെന്നും പുതുക്കി പണിതെന്നുമല്ലാതെ എങ്ങനെ കത്തി എന്ന് റ്റീച്ചര്‍ പറഞ്ഞില്ലത്രേ. ക്ലാസ്സില്‍ പഠിപ്പിച്ചോണ്ടിരുന്നപ്പോള്‍ ഇതൊക്കെ വായ തുറന്ന് ചോദിക്കാത്തതിന്‌ വഴക്കും പറഞ്ഞിട്ട് പിന്നെ അമ്മയും മകളും ഒരുമിച്ച് ഗൂഗ്ഗിള്‍ ചെയ്ത് കണ്ടു പിടിക്കുന്നു...


"There was a father and a son, who became presidents of United States. Dadda Bush and Son Bush !! and guess what mommy. They both are from our state - Texas !!

അല്‍ഭുതം കൊണ്ട് കൃഷ്ണമണികള്‍ കണ്ണില്‍ന്നും പുറത്തേയ്ക്ക് ചാടി പോകുമോ എന്ന മട്ടില്‍ മിഴിച്ചാണ്‌, അഞ്ചു വയസ്സ് കാരിയുടെ പറച്ചില്‍..

" There was another president Lyndon B Johnson also from Texas. Now I know, why that freeway is named LBJ Freeway " !!

" and you know what mommy, Wisconsin's capital is named Madison, after President James Madison's last name " !!

പുസ്തകങ്ങളോ നോട്ട് ബുക്കോ ഒന്നുമില്ലാത്ത സ്കൂളില്‍, ക്ലാസ്സില്‍ റ്റീച്ചര്‍ പറഞ്ഞപ്പോള്‍, കേട്ടതില്‍ന്നും തലയില്‍ ബാക്കി നില്‍ക്കുന്നത് മുഴുവന്‍ അമ്മയെ പഠിപ്പിക്കുകയാണെന്റെ പൊന്നമ്പിളി.


"Miss Aida went to President Nixon's home in California. But there was no one there. You know, why mommy ? Because President Nixon and his wife, both are dead. His home is a museum now " !!!! ശ്യോ... ഭയങ്കര ദുരന്തമായി പോയി...

" And you know what mommy, ? I think our Dallas is a bad place. One bad uncle killed the president John F Kennedy, when he came to visit Dallas. and guess what mommy, John F Kennedy died at Parkland hospital!! The hospital where I was born !!.. Gosh.. I cant beleive that .. " .

കെന്നഡി മരിച്ചതും അവള്‍ ജനിച്ചതും ഒരേ ആശുപത്രിയില്‍ ആണെന്ന് അറിഞ്ഞതിന്റെ അല്‍ഭുതം, കൗതുകം. പഠിപ്പിച്ച് കൊണ്ടിരുന്നപ്പോള്‍ തന്നെ ക്ലാസ്സില്‍ എല്ലാവരോടും വിളമ്പിയത്രേ ഈ വിശേഷം...

എന്തെങ്കിലുമൊന്ന് തിരിച്ച് ചോദിച്ചില്ലെങ്കില്‍ മോശമല്ലേ എന്നോര്‍ത്ത് ഞാന്‍ " ഓക്കേ ഹാന, ബരാക്ക് ഒബാമേടേ വൈഫിന്റെ പേര് പറഞ്ഞേ... " .


Mommy, you are not supposed to say just 'Barack Obama'. You should say 'President Barack Obama' or Mister President Barack Obama' .....

ഓ... ഇനി ഇവള്‍ടെ സ്റ്റഡി ക്ലാസ് കിട്ടിയിട്ട് വേണം ഈ വയസ്സാം കാലത്ത്...

അതിനും മുന്‍പത്തെ ആഴ്ച ആണെങ്കില്‍ സോളാര്‍ സിസ്റ്റം ആയിരുന്നു വിഷയം.

" Mommy, there are 8 planets. They just keep on spinning around sun. Dont they feel dizzy , mommy ? "

" There was a 9 th tiny planet named Pluto. But then those scientists figured out that is not a planet anymore " !!

ശരിയാണല്ലോ, ഈ പ്ലൂട്ടോ സംഭവം പത്രത്തിലൊക്കെ വായിച്ചതോര്‍മ്മയുണ്ട്.. പക്ഷേ മനസ്സില്‍ പതിഞ്ഞിരുന്നില്ല.


" you know what mommy ? our earth has a twin sister. they both are of like almost same size "

" Saturn is one funny looking planet mumma... it has big rings around..."

" Jupiter is one big huge planet. and guess what it has some 60 something moons. isnt that crazy ? it will be like moons moons everywhere... "

സ്ക്കൂളു വിട്ടാല്‍, അന്ന് പഠിച്ചത് മുഴോന്‍ ഇങ്ങനെ വന്നു ഞങ്ങളെ പറഞ്ഞ് കേള്‍പ്പിക്കും...

Mommy, Can you believe the whole United states is spread across 6 different timezones ? when it is 8 o clock in our Texas, it is 9 am at big mommy's place. But only 7 o clock at Denver and 6.o clock at California !!! . again at Alaska it is only 5.o clock and Hawai only 4 o clock.... !!!!

നാല്‌ റ്റൈം സോണ്‍ ഉണ്ടെന്നറിയാമായിരുന്നു. പക്ഷേ, അലാസ്ക യും ഹവായിയും, ഇതിലൊന്നും പെടാതെ പിന്നെയും ഓരോരോ മണിക്കൂര്‍ കൂടി പിന്നിലാണെന്ന് അറിയില്ലായിരുന്നു..

ഇതാ ഞാന്‍ പറഞ്ഞത്, എന്റെ കണ്മണി എല്ലാ അര്‍ത്ഥത്തിലും എന്റെ റ്റീച്ചറാണിപ്പോള്‍...

വെറുതെ ഒന്ന് സുഖിപ്പിച്ചേക്കാം എന്നോര്‍ത്ത് ഞാനിടയ്ക്ക് പറയും. " ഹോ.. ഹാനക്കുട്ടിയാ ഇപ്പോ മമ്മീടേ റ്റീച്ചര്‍. മോമ്മി ഓരോ ദിവസോം എന്തെല്ലാം കാര്യങ്ങളാ, കണ്‍‌മണീടെ അടുത്തൂന്ന് പഠിക്കണത് ? "

കഴിഞ്ഞ ദിവസം പേരന്റ് റ്റീച്ചര്‍ മീറ്റിങ്ങിന്‌ പോയപ്പോ റ്റീച്ചര്‍ പറയുന്നു. അവരോട് അവള്‍ പറഞ്ഞിരിക്കുന്നത് " എന്റെ മമ്മി പള്ളിക്കൂടത്തിലെങ്ങും പോയിട്ടില്ല. ഒരു വകയും അറിയത്തുമില്ല. ഇപ്പോ ഞാനാ മമ്മിയുടെ റ്റീച്ചര്‍. ഞാന്‍ പഠിപ്പിക്കുന്നതാ മോമ്മി ഇപ്പോ പഠിക്കണത്.. " എന്നൊക്കെ.

ഇനി എന്നാണോ, സ്കൂളില്‍ ന്ന്‌ മകള്‍ടെ ഫീസിന്റെ കൂടേ അമ്മയുടെ പഠിത്തത്തിന്‌ കൂടി ഫീസ് കൊടുക്കണമെന്ന് പറയുക ?

Saturday, October 09, 2010

പുറമ്പൂച്ചുകള്‍ പൊളിഞ്ഞ് വീഴുമ്പോള്‍

" അയ്യേ, ഹാന എന്തിനാ ഇങ്ങനെ പേടിത്തൂറി ആവണത് ? കുട്ടികളായാല്‍ നല്ല ബോള്‍ഡാവണ്ടേ ? "

ബാക്ക് യാ‌ര്‍‌ഡില്‍ കളിച്ചു കൊണ്ടിരുന്നതിനിടെ ഒരുറുമ്പിനെയോ മറ്റോ കണ്ടെന്നും പറഞ്ഞ് പേടിച്ചോടി അകത്ത് വന്ന അഞ്ചു വയസ്സു കാരിയോട് അമ്മയുടെ വക സ്റ്റഡി ക്ലാസ്സ്..

" അതൊരുറുമ്പല്ലേ, അതിന്‍്‌ നമ്മളേ എന്തെങ്കിലും ചെയ്യാന്‍ പറ്റുമോ ? എന്തിനാ ബഗ്‌സിനെ ഒക്കെ ഇത്രയ്ക്ക് പേടി ? അതൊക്കെ സില്ലിയല്ലേ ? വാട്ടര്‍ പാര്‍ക്കിലൊക്കെ പോകുമ്പോ, വേറെ ഒരു പിള്ളാരും കേറാത്ത എല്ലാ റൈഡിലും മിടുക്കിയായിട്ട് കേറണ ബോള്‍ഡി ഗേളല്ലേ ഇത് ? എന്നിട്ടാ ഒരു ഉറുമ്പിനെയോ ഈച്ചയെയോ കാണുമ്പ ഇത്രയ്ക്ക് പേടി ? "


" മോമി ഹാനയെ പോലെ സ്മോള്‍ ഗേളായിരുന്നപ്പോ എന്തൊരു ബോള്‍ഡാരുന്നെന്നറിയോ ? ഗ്രാന്‍പാടെ ഹോമലെ പറമ്പില്‍ പാമ്പ് പോലും ഉണ്ടായിരുന്നു. മോമ്മി പാമ്പിനെ പോലും തന്നെ അടിച്ച് കൊല്ലുമാരുന്നു. പിന്നെ നമ്മുടെ ബിഗ് മോമിയില്ലേ, (എന്റെ ചേച്ചി ) ബിഗ് മോമി ഹാന ക്കുട്ടിയെ പോലെ സില്ലിയാരുന്നു. കുളിക്കാന്‍ കേറുമ്പോ ബാത്ത് റൂമില്‍ എട്ടു കാലിയെ കണ്ടിട്ട് കെടന്ന് കാറുമായിരുന്നു. അപ്പോ മോമ്മിയാ പോയി ആ എട്ടുകാലിയെ കൊല്ലണത്.. പിന്നെ പഴുതാര , പാറ്റ ഒക്കെ വരുമായിരുന്നു... മോമി എല്ലാത്തിനേം ഒരു പേടീമില്ലാണ്ടേ കൊല്ലുമാരുന്നു.. എന്നിട്ട് ആ മോമ്മിടെ മോളാ ഇങ്ങനെ ഒരുറുമ്പിനെ കണ്ടിട്ട് ... ഉറുമ്പ് എന്തൊരു പതുക്കെയാ നടക്കണത്.. ഹാനയ്ക്കതിനെക്കാള്‍ ഫാസ്റ്റായിട്ടോടാമല്ലോ.. അപ്പോ പിന്നെ എന്തിനാ പേടിക്കണേ " ?

അതു വരെ മൈതാന പ്രസംഗം കേട്ട് മിണ്ടാതിരുന്ന ഹാന പെട്ടെന്ന്,


" എന്നിട്ടു പിന്നെ മോമ്മിയ്ക്കെന്തിനാ അട്ടയെ പേടി ? "

ചമ്മി ബ്ലിങ്കസ്യാ ന്ന് ഞാന്‍. ചിരി അടക്കാന്‍ പാട് പെട്ട് ഡാഡി..

ഹാന തുടര്‍ന്നു " ഞാന്‍ കണ്ടതാണല്ലോ ഇന്‍ഡ്യയില്‍ പോയപ്പോ അട്ടയെ കാണുമ്പോ മമ്മി... കാറി ക്കൊണ്ട് ഓടണത്.. ഡാഡി വന്ന് അട്ടയെ എടുത്ത് കളയാതെ മോമ്മി അങ്ങോട്ട് വരു പോലുമില്ലല്ലോ.മോമ്മി ബിഗ് ഗേളല്ലേ ? അട്ട ഉറുമ്പിനെ ക്കാളും സ്ലോ ആയിട്ടല്ലേ വോക്ക് ചെയ്യണത് ? അപ്പോ ഈ സില്ലി മോമ്മിയെന്തിനാ ആ റെഡ് അട്ടേനേം ബ്ലാക്ക് അട്ടേനേം പേടിക്കണത് ? "


പണി പാളി മക്കളേ... പുള്ളാര്‌ വലുതായി.. നുമ്മടെ ഒരേയൊരു വീക്ക് പോയിന്റ് പുള്ളാര്‌ മനസ്സിലാക്കി വച്ചിരിക്കണൂ. പഴയ നമ്പറൊന്നും ഇനി ചെലവാകൂല്ല. :)

Monday, August 16, 2010

കൊടുത്താല്‍ കൊല്ലത്തും....

"ഡാഡീ, ഈ മോമ്മി ബാഡ് ഗേളാ. മോമ്മി റ്റണ്ടു ബാഡ് വേഡ് പറഞ്ഞു , 'ചന്ദ് വേഡ് ' & 'കുണ്‍ വേഡ് ' . "

കുളി കഴിഞ്ഞ് കേറി വരുന്ന വഴി ഡാഡിയോട് മമ്മിയെ പറ്റി പരാതി പറയുന്നത് എന്റെ മൂന്നര വയസ്സു കാരന്‍ കുഞ്ഞന്‍..

ആരെങ്കിലും പറഞ്ഞ ചീത്ത വാക്കുകള്‍ പരാതി പറയാന്‍ വേണ്ടിയാണെങ്കില്‍ കൂടി, ആവര്‍ത്തിക്കാന്‍ പാടില്ല എന്ന പാഠം അനുസരിച്ചാവണം , ഇവിടെ കുട്ടികള്‍ 'എസ് വേഡ് ', 'എഫ് വേഡ് ' എന്നൊക്കെയാണ്‌ ചീത്ത വാക്കുകളെ സൂചിപ്പിക്കാന്‍ പറയുക. കുളിപ്പിച്ച് കൊണ്ടിരുന്നതിനിടയില്‍, 'ഇനിയങ്ങോട്ട് തിരിഞ്ഞു നിന്നേ, മോമ്മി കുണ്ടി കഴുകട്ടെ' എന്നോ മറ്റോ ഞാന്‍ പറഞ്ഞു . അതാണ്‌ കുഞ്ഞന്റെ പരാതിയിലെ മമ്മി പറഞ്ഞ 'കുണ്‍' വേഡ്. ( ആ ചുരുക്കലിന്റെ പേറ്റന്റ് കുഞ്ഞനു തന്നെ :)

ചണ്‍ വേഡ് ഞാന്‍ പറഞ്ഞതായി ഓര്‍ക്കുന്നില്ല. അപ്പുറത്തെ ബാത്ത് റൂമില്‍ ഒരു അഞ്ചു വയസ്സു കാരി , അഞ്ചു വയസ്സായെന്നും , അതോണ്ട് ബിഗ് ഗേള്‍ ആയെന്നും, ഇനി ഞാന്‍ തന്നെ കുളിക്കാറായെന്നും ഒക്കെ ഘോര ഘോരം പ്രഖ്യാപിച്ചു കൊണ്ട്, ഷവറിന്റെ അടിയില്‍ നില്പുണ്ടായിരുന്നു. കുളിയും തോര്‍ത്തലും ഒക്കെ തനിയെ, ഒന്നിനും ആരും ഹെല്പ്പ് ചെയ്യാന്‍ പോലും പാടില്ല. 'മോളെ, അണ്ടര്‍ ആംസ്,(under arms), നെക്ക്‌, നെക്കിന്റെ പുറകില്‍, ചെവീ, ഫീറ്റ് ഒക്കെ പ്രത്യേകം തേച്ചു കുളിക്കണേ, അവിടെയൊക്കെ നെറയെ ജേംസ് (germs) ഉണ്ടേ എന്നു വിളിച്ചു പറയുന്ന കൂട്ടത്തില്‍ ഞാന്‍ 'ചന്ദ്' വേഡ് പറഞ്ഞെന്നാണ്‌ കുഞ്ഞന്റെ ആരോപണം. അതും ഞാന്‍ നിഷേധിക്കുന്നില്ല..

അങ്ങനെയിരിക്കും. ഈ വാക്കുകളൊക്കെ ചീത്ത വാക്കുകളാണെന്നും , ചീത്ത കുട്ടികളാണിതൊക്കെ പറയുക എന്നും പറഞ്ഞു പഠിപ്പിച്ച ഞാനാരായി ? ഇനി അനുഭവി !!

Labels: